Grenndarkynning Borgarbyggðar #L135058, athugasemd og svör frá skógræktarfulltrúa.

From: Harald B Alfreðsson [mailto:harald.b.alfredsson@gmail.com]
Sent: 28. desember 2021 19:50
To: Skipulagsfulltrúinn <skipulag@borgarbyggd.is>
Subject: Grenndarkynning svæði 29 Jarðlangstaðalandi

Ágæti viðtakandi

Varðar grenndarkynningu vegna áforma um skógrækt í landi Jarðlangsstaða svæði 29.

Undirritaður er eigandi lóðar að Helluskógum III lóð 6.

Málið snýst að mestu um breytingar á umhverfisásýnd. 

Til glöggvunar óska ég eftir að á kortið sem sent var til kynningar verði merktar hámarks hæðir á væntanlegum trjátegundum og afrit sent mér.  

Kveðja

Harald B. Alfreðsson.

Þóra M. Júíusdóttir13:23 (fyrir 3 klukkustundum)
til Skipulagsfulltrúinn, Harald, mín

Góðan dag

Hér fyrir neðan er svar ráðunautar Skógræktarinnar:

„Það er bara lítið svæði þar sem öspin er sem að yrði grisjað af einhverjum krafti.  Það má reikna með að hæð asparinnar á þeim tíma sé um 12 – 15 metrar og reikna má með 20 – 25 árum fram að fyrstu grisjun þetta er reitur 3 sem við erum að tala um í þessu sambandi.  Annarsstaðar á svæðinu ná trén aldrei þessari hæð.  Reikna má með að hæð annara tegunda verði að meðal tali 6 – 10 metrar á mjög löngum tíma 80-100 ár.   Það gæti orðið væg grisjun t.d í birkinu en það yrði aldrei fyrr en eftir 35-40 ár frá gróðursetningu.“

Ég sendi þetta einnig á Lárus Atlason sem getur þá sett inn fyrirspurn þína Haraldur og svar Valdimars á vefsvæði Félags sumarbústaðaeigenda við Langá.

Jóla Bb rauð 1 Bestu kveðjur / Best regardsÞóra Júlíusdóttir

RAFMAGNSLAUST

Rafmagnslaust verður Frá Tungulæk að Hítardal 08.12.2021 frá kl 16:00 til kl 18:00 Vegna viðgerðar á stofnlínu Rarik. Nánari upplýsingar veitir Svæðisvakt RARIK Vesturlandi í síma 528 9390 og kort af svæðinu má sjá á

www.rarik.is/rof

Rafmagnstruflun.

Rafmagnstruflun er í gangi í landskerfinu á Snæfellsnesi vegna eldinga og er verið að vinna í að byggja upp kerfiðNánari upplýsingar veitir Svæðisvakt RARIK Vesturlandi í síma 528 9390 og kort af svæðinu má sjá á www.rarik.is/rof

Rafmagnstruflanir.

Rafmagnstruflanir verða norðan Skarðsheiðar, þ.e. Borgarfjörð, Mýrar og Snæfellsnes. Þar með talið alla þéttbýlisstaði, s.s. Borgarnes, Bifröst, Hvanneyri, Grundarfjörð, Stykkishólm, Ólafsvík, Hellissand, Rif og Arnarstapa 05.07.2021 frá kl 13:00 til kl 16:00 vegna prófana í aðveitustöð að Vatnshömrum.
Nánari upplýsingar veitir Svæðisvakt RARIK Vesturlandi í síma 528 9390 og kort af svæðinu má sjá á www.rarik.is/rof

Framkvæmdaleyfi vegna skóræktar innan frístundabyggðar í landi Jarðlangsstaða.

Félag sumarhúsaeigenda við Langá sendi erindi til skipulagsfulltrúa Borgarbyggðar þegar okkur varð ljóst að til stæði að hefja ræktun nytjaskógar í landi Jarðlangsstaða ehf. Málið var tekið fyrir á Skipulags- og byggingarnefnd Borgarbyggðar þann 7. júní 2021 sem 19 mál á dagskrá og það var einnig tekið fyrir á fundi sveitastjórnar þann 9. júní 2021. Skipulagsfulltrúi Borgarbyggðar hefur í framhaldi sent félaginu meðfylgjandi erindi auk þess sem við fengum meðfylgjandi 3 uppdrætti af fyrirliggjandi skógrækt frá Jarðlangsstjöðum ehf., en þar er m.a. að finna númeraða ræktunar reiti, sem nefndir eru í bréfi Borgarbyggðar. Í niðurlagi bréfsins er að finna eftirfarndi:

„Óskað er eftir athugasemdum vegna grenndarkynningar á framkvæmdaleyfi og samstarfi við viðtakandi um kynningu á framkvæmdaleyfi fyrir aðilum félagsins. Taka ber fram að hver fasteignareigandi innan sumarhúsasvæðisins fær jafnframt send grenndarkynningargögn.“

Aðalfundur 2021

Aðalfundur félags sumarhúsaeigenda við Langá verður haldinn í Langárbyrgi, veiðihúsinu við Langá laugardaginn 12 júní 2021 kl 11.00 Venjuleg aðalfundarstörf.
Stjórnin  

Brunahani.

Að gefnu tilefni er félagsmönnum bent á að á svæði okkar er BRUNAHANI og staðsetning hans er við hlið aðalvegarins #536, að austanverðu þar sem háspennulína leggur yfir veginn. Búið er að prufa hann nýverið.

Grábrókarveita útskolun aðveitulagnar dagana 26 apríl til 7 maí

Mánudaginn 26 apríl verður byrjaða að skola út aðveituæð Grábrókarveitu er liggur fá dælustöðinni í Grábrókarhrauni og niður að Borgarnes.

Þessa útskolun er gerð að jafnaði á þriggja mánaða fresti og er það gert til að skola grugg úr aðveitulöglögninni.

Búast má við að verkið taki um tvær vikur frá 26 apríl til 7 maí.  Þeir íbúar sem búa Borgarnesmegin við Galtarholt verða væntanlega ekki varir við vinnu Veitna fyrr en 3 maí og þá til 7 maí.

Á verktímanum má búast við lægri þrýsting á kaldavatninu og einnig má búast við einhverju gruggi í vatninu.

Veitur vona að viðskiptavinir sýni okkur þolinmæði og umburðarlyndi í þessari vinnu okkar.

Kær kveðja,

Gissur Þór Ágústsson

Sérfræðingur í rekstri vatns-, hita- og fráveitu
Vatnsveita og fráveita / Veitur

Vatnsveita.


Vegna jarðskjálftanna höfum við slökkt á dælum vatnsveitu í Grábrók. Vatnsbólið þar er viðkvæmt fyrir skjálftum en vatnið getur gruggast við þá. Við viljum koma í veg fyrir að það berist inn á kerfið.

Af þessum sökum geta viðskiptavinir Bifröst, Varmalandi, Munaðarnesi og í sumarhúsahverfum milli Grábrókar og Borgarness fundið fyrir lægri þrýstingi á kalda vatninu eða jafnvel vatnsleysi næstu klukkustundirnar.

Við munum uppfæra vefinn okkar í dag og hvetjum þig til að fylgjast með hér : https://www.veitur.is/truflun/kaldavatnslaust-eda-litill-thrystingur-i-grabrokarveitu

Kær kveðja,

starfsfólk Veitna